ເໝືອນດັ່ງມີມົນຂັງ ມັດໃຈແຮງກ້າ
ຄືນວັນຝັນເຫັນໜ້າ ຂວັນຊີວາຮັກເກົ່າ
ໃຈຄິດຮອດແຕ່ເຈົ້າ ບໍ່ມີມື້ຊິປ່ຽນແປງ...
- ທຸກຍາມແລງຄິດຮອດ ຄືນຄໍ່າຄະນິງຫາ
ພາບຍັງຈໍາຕິດຕາ ບໍ່ເລື່ອນລາໄລເວັ້ນ
ຍັງຄິດເຫັນແລງເຊົ້າ ຄວາມຫລັງເຮົາຕັ້ງແຕ່ກ່ອນ
ສັງບໍ່ຄືນຕ່າວຢ້ອນ ກັບມາອີກເທື່ອສອງ...ແດ່ເດ
- ທຸກຄືນຄໍ່າຈໍາຕ້ອງ ໝອງໝົ່ນໃນອຸລາ
ທຸກເວລານາທີ ທີ່ຫ່າງເຫີນໄກເຈົ້າ
ໃນກະມົນແສນເສົ້າ ເຫລືອພຽງເງົາພໍເລືອນລ່າງ
ເຖິງຮັກເຮົາຫ່າງຮ້າງ ຍັງມີເຈົ້າຢູ່ຫ່ວາງໃຈ...
- ຂໍຈົດຈໍາຈື່ໄວ້ ໃນສິ່ງອັນດີງາມ
ສິ່ງທີ່ສອງເຮົາທຳ ຮ່ວມກັນຄາວນັ້ນ
ຈະຂໍຈາລຶກໝັ້ນ ບໍ່ມີວັນລືມງ່າຍ
ລືມນ້ອງລືມບໍ່ໄດ້ ໃຈມັນຮຽກຮໍ່າຫາ...ນີ້ແລ້ວ
