ບໍ່ກ່ຽວກັນ ມັນສິດທິ ຊີວິດເຈົ້າ
ແມ່ນຈະສຸກ ທຸກຫລືຈົນ ໝົ່ນໝອງເສົ້າ
ກໍຕົວເຈົ້າ ທີ່ເລືອກເອົາ ເຂົາບໍ່ສົນ...
ທຸກຊີວິດ ເກີດຂຶ້ນມາ ບົນໂລກນີ້
ລ້ວນແຕ່ມີ ສິດທິທາງ ຍ່າງທຸກຄົນ
ຢາກຂຶ້ນເໜືອ ຫລືລ່ອງໃຕ້ ໄດ້ທຸກຫົນ
ເຈົ້າກໍຄົນ ຂ້ອຍກໍຄົນ ປົນກັນໄປ....
ສິດແຫ່ງຮັກ ກໍເຊັ່ນກັນ ມັນບໍ່ຕ່າງ
ຢາກຫາທາງ ຫ່າງຮັກເກົ່າ ໄປເອົາໃໝ່
ໃຜຈະຫ້າມ ໃຜຈະຫວງ ບໍ່ຫ່ວງໃຍ
ຂຶ້ນກັບໃຈ ຂອງໃຜມັນ ນັ້ນລະຄົນ...
