SF: 11: ຄົງມີຈັກວັນ

11: ຄົງມີຈັກວັນ

ແມ່ນເປັນພຽງ     ຄວາມຮັກ    ຈາກອອນລາຍນ໌
ແມ່ນບໍ່ໄດ້   ໃກ້ຄຽງ   ຮຽງຄູ່ກັນ
ແຕ່ຫົວໃຈ   ລອຍລັບ   ໄປກັບຝັນ
ທຸກຄືນວັນ   ໄດ້ແຕ່ຝັນ   ກໍຊື່ນໃຈ...

ໝົດຊົ່ວຊາດ   ອາດມີ   ວາສນາ
ຫາກເຫັນໜ້າ    ຄົງພາ    ຊື່ນຫົວໃຈ
ແຕ່ວັນນີ້   ຂໍຮັກ   ພຽງອອນລາຍນ໌
ວັນຕໍ່ໄປ   ຫວັງໄວ້   ຄົງພົບກັນ....

ໃຈຄົນ

ໂອສາຍນໍ້າ ທີ່ສົດໃສ ໄຫລລ່ອງເລີຍ
ແຕ່ບໍ່ເຄີຍ ຈະສົດໃສ ເໝືອນໃຈຄົນ
ໂອສາຍນໍ້າ ທີ່ຄົດລ້ຽວ ກ້ຽວວຽນວົນ
ແຕ່ໃຈຄົນ ຍິ່ງຄົດລ້ຽວ ບິດບ້ຽວກ່ວາ...

ອັນສາຍນໍ້າ ທີ່ວ່າເລິກ ເລິກເຫລືອຫລາຍ
ບໍ່ສູ້ໃຈ ຂອງມະນຸດ ສຸດເລິກກວ່າ
ອັນສາຍນໍ້າ ຍາມມີຕົມ ສຸດຂຸ່ນມົວ
ໃຈມະນຸດ ສຸດຂຸ່ນກວ່າ ຫລາຍພັນເທົ່າ...

ເໝືອນສາຍນໍ້າ
ເໝືອນສາຍນໍ້າ ໄຫລໄປ ບໍ່ກັບຫັນ
ທຸກຄືນວັນ ຜັນວຽນ ປ່ຽນແປງໄປ
ອັນຄວາມຮັກ ກໍເໝືອນ ເຄື່ອນນໍ້າໄຫລ
ໄຫລເລື້ອຍໄປ ບໍ່ຫວນ ກັບຄືນມາ...

ວັນນີ້ພົບ ປະສົບ ຄວາມສຸກສັນ
ຍິ້ມຊື່ນບານ ປະທານ ດ້ວຍດິນຟ້າ
ແລ້ວວັນນຶ່ງ ເຮົາຕ້ອງ ຫລັ່ງນໍ້າຕາ
ເມື່ອຮັກມາ ຫາຍໄປ ເໝືອນສາຍນໍ້າ

SF

11: ຄົງມີຈັກວັນ

ນໍ້າໄຫລປ່ຽນໃຈປາ ເງິນຕຣາປ່ຽນໃຈຄົນ

ທັມມະຊາດ ທີ່ສວຍງາມ